<p style="text-align: justify;">Lo dissabte 15 de decembre de 2018 a 16 oras, Henri Barthés presentarà sa traduccion francesa del <em>Breviari d'amor</em>, ample poèma enciclopedic redigit per Matfre Ermengaud, jurista besierenc de la fin del sègle XIII. <br />Aquel monument de la literatura didactica occitana, constituís una òbra unica al còrs de las enciclopèdias de l'Edat Mejana. Compausat en Lengadòc entre 1288 e 1292 environ, dins lo contèxte de l'aprèp Crosada contra los Albigeses e la disparicion de la lirica dels trobadors, Matfre Ermengaud tempta amb aquel poèma enciclopedic de 34.597 vèrs de conciliar doas concepcions opausadas de l’amor : la dels clèrgues, l’amor de Dieu, e la de la fin’amor dels trobadors, l’amor dels galants e de las Dònas.</p>
<p style="text-align: justify;">Existiá pas fins ara, de traduccion francesa d'aquel document.</p>
<h3 style="background-color: #ffffff; color: #626262;">INFORMACIONS PRACTICAS </h3>
<p style="background-color: #ffffff; color: #626262;"><span style="font-weight: bold;">Sala dels abats de Sant Afrodisi</span> - carrièra del : « Puits de la Courte » a Besièrs - 34500<br /><br /><span style="font-weight: bold;">Entresenhas e reservacions</span><br />Dissabte 15 de decembre de 2018 a 16 oras.<a href="mailto:contact@theatre2lacte.com"></a></p>
