Uèi, es Dimars gras, la luna cornuda lusís dins lo cèl. Dins lo país de Tieneta, se conta qu'es un moment magic... Se lo clivari a començat de batre lo pavat, per Tieneta es temps de s'anar colcar ! Mas Tieneta a bèl furgar, forfolhar, pas gaire de traça de Doudou, son ors en pelucha demòr introvable. E sens Doudou, pas question de dormir !

Urosament, Mameta Rosa a mai d'un torn dins sa saqueta, coneis totes los secrets d'aquel país. Ela sola pòt acompanhar Tieneta dins son enquèsta a la cèrca de Doudou. Zou, pas de temps de perdre ! Las vaquí totas doas partidas sus las traças de l'ors en pelucha.

A l'ors ! Es un viatge iniciatic que va desrevelhar de secrèts nombroses a Tieneta. De secrets que d'unas grandas personas ignoran mas que cal coneisser per ben creisser e devenir Òme e Femna.