PRESENTACION
Doas preséncias. Una anciana, una jove...
Una dins aquel monde, una dins l'autre ?
L'una parla, l'autre pas. L'autra dança, l'una amariá.
L'una e l'autra cantan. Un mescladís de lengatges
Escambi golard per se comprene
S'entendre d'una riva a l'autra del riu
D'un penjal a l'autre de la montanha
O de la vida
Un duò joiós per téissar aquel fial
Cultivar lo desequilibri que fa entrar dins la dança !
Un espectacle sus la question de las raices e de la transmission inter e intra-familhala, a l'entorn de las lenga e cultura occitanas a destinacion d'un public joinessa non iniciat. Al còr del projècte, retraches de familha, mas tanben e sustot, lo de lors grands-maires, ligam natural vèrs l'occitan per totas doas.
Mas pas unicament, l'espectacle es destinat a s'enriquir al gré de las rencontras e de las representacions sul territòri.
Lo divendres 22 de setembre de 2023, venètz descobrir los primièrs extraits de Fil a fil, espectacle en cors de creacion que reünís las artistas Emilie Esquerré e Delfina Lafon, al sortir d'una setmana d'acuèlh en residéncia al CIRDOC (Besièrs).
Lo divendres 22 de setembre a 18h30
Al CIRDOC (Besièrs) : 1 bis, Bd Du-Guesclin, 34500 Besièrs
Entrada gratuita.
Infos e reservacion : infos@oc-cultura.eu / 04.67.11.85.10.
![Sortida de residéncia : " Fil a fil, dobèrtura del quasernet de la creacion"](https://occitanica.org/files/square_thumbnails/ec183f7e54445211fde0e02e1cf5baea.jpg "Sortida de residéncia : " Fil a fil, dobèrtura del quasernet de la creacion"")