« En 1983, à huit ans, j’ai enregistré mon grand-père dans une langue rare qui me plaisait. Son occitan, il l’appelait la lenga nostra ». 

En 2016, a partir d'aquel document, lo GdRA convida en platèl per sa pèga LENGA, los artistas Maheriniaina Ranaivoson, acrobata de carrièra, Merina de Madagascar ; Lizo James, iniciat Xhosa de Sud-Africa ; Julien Cassier, comedian tolosenc ; et Christophe Rulhes, musician occitana que joga cabreta e platinas.

La pèça tracta de la diversitat culturala e de la disparicion de las lengas. S'apièja sus d'unes temps d'enquèsta, menats dins las familhas dels artistas, que meton en jòc sus scèna lors arts de faire ; al fial dels testimoniatges de lors mametas, filmadas en 2015 a Antananarivo a Amparibe e al Cap dins los townships de Khayelitsha. Se desvelan aital d'unes racontes de vida, de pèrta, de transmission e d'invencion, de danças, de rites, de contèxtes politics e naturals, d'unas musicas e de multilingüismes. Madagascar e Sud-Africa fan partida dels luòcs fòrça divèrs en lengas, faunas e flòras qu'existisson encara sus Tèrra. En plena guèrra de las naturas, aqueles espacis an tendéncia a desaparéisser. En França, las lengas endemicas, notadament l'occitan, perdon totjorn d'unes locutors. A partir d'un teatre de la persona, amb l'energia de l'acrobacia o dels gumboots, LENGA liura d'unes tròces d'aqueles luòcs, d'aquelas personas, resisténcias e innovacions. Amb de mai, un cors juratòri e liure de lenga a clic Xhosa.

La Guerre des natures

Un pauc de pertot dins monde, se multiplican los punts cauds d'un conflicte environamental que s'aparenta a una guèrra de las naturas. 

Lo caçaire culheire que viu dins la selva d'Amazonia es pas responsable del meteis impacte carbon que lo director d'una entrepresa petroquimica en occident. Ne subís çaquelà las meteissas consequéncias, çò pus mal. Pel primièr còp dins la geo-istòria, los scientifics van declarar coma fòrças primièras per donar forma a la Tèrra, la qu'engendra los umans. San venguts lo factor telluric, geologic, climatic lo mai perturbador de l'ecosistèma. 

Aquela era novèla que se dobrís en incertituds e revolums, los geològs l'apèlan « l'Antropocena». 

Qui o qué, dins l'istòria, es vertadièrament responsable de l'Antropocena ? 

Al fial d'una seria de retrachs glanats dins lo monde, son qualques istòrias d'aquela guèrra coma tant de batalhas desesperadas que lo GdRA desira contar e metre en scèna. Comença d'aquel biais un novèl cicle d'escritura teatrala intitulat La Guerre des natures. La primièra tampa d'aquela seria es LENGA. 

Distribucion

Mesa en scèna : Christophe Rulhes
Amb : Lizo James, Maheriniaina Pierre Ranaivoson, Christophe Rulhes & Julien Cassier
Concepcion, tèxte e mesa en scèna : Christophe Rulhes
Coregrafia : Julien Cassier
Scenografia : le GdRA
Musica : Christophe Rulhes et Lizo James
Imatges : le GdRA, Edmond Carrère et Ludovic Burczykowski
Costumes : Céline Sathal
Direccion tecnica : David Løchen
Lum : Adèle Grépinet
Son : Pedro Theuriet
Fotografia : Nathalie Sternalski & Loran Chourrau - le Petit Cowboy