Rendètz-vos es donat lo 3 de febrièr que ven al Teatre de la Passerelle a Lemòtges, per una serada decalada (entre umor e contenguts plan serioses) a l'entorn del "vodó" bearnés. Una serada tot public (tre 8 ans).

Presentacion

Amigas dempuèi la comunala, las doas  pachaquièras transmeton amb malicia istòrias, cants a capella e fichas de recèptas per parar a las dificultats amorosas e a las manifestacions de l'invisible. Un moment de cultura orala tintada d'un umor que descapa e de còps pebrada.
Risèm fòrça pendent aquela velhada de sensibilizacion ethno-pedagogica al "Vodó bearnés", podèm tanben sentir montar l'emocion.
Mas, cal pas s'enganar, tot çò qu'es dich es la vertat ! Aquele espectacle es non solament lo fruch d'una longa amistat mas tanben de las recèrcas aprigondidas e d'una impregnacion totala dins lo mitan d'origina...

Informacions practicas

• Produccion : Cie Pas-Sage Ensemble
• Espectacle tot public tre 8 ans. 
• Durada : 1h15
• Tarifas : normal 17 €, reduch 13€/ 10 €
• Teatre de la Passerelle (5, Rue du Général du Bessol – 87000 Lemòtges) - 05 55 79 26 49 – theatre-de-la-passerelle87@wanadoo.fr – http://theatredelapasserelle.fr/