Los artistas del Collectiu Còp-Sec an decidit de se recampar a l’entorn de l’òbra de Leon Còrdas e tot particularament a l’entorn de son recuèlh Òbra Poetica per una nòva creacion metent en valor la dimension eminentament musicala de l’òbra poetica de l’autor menerbès.

En 2015, a l’escasença del depaus de las archius de Leon Còrdas al CIRDÒC e d’una jornada consacrada al poèta organisada pel CIRDÒC a Menèrba (amb exposicion, conferèncias e concèrts), los artistas e lo grand public an poscut avèr accès a una documentacion inedita sus l’autor mas tanben a un esclairatge novèl sus son òbra mercé a las intervencions dels sòcis del PEN-CLUB occitan. CD aital los grops Lo Barrut, Du Bartàs, Grail’òli, Hum, Urban balèti, La Mal Coiffée, Touristar, Asuèlh, Mauresca mas tanben Laurent Cavalié e Mariana que se son sasit de l’òbra de Leon Còrdas per li donar votz.

Mas per que lor voses pòscan ressonar en çò vòstre, an besonh d’ajuda e an lançat un finançament participatiu per la produccion del disque. Per sosténer aquela creacion e ne saber mai sul projècte, consultar la pagina Ulule del collectiu Còp-Sec : https://fr.ulule.com/leon-cordas/